કોઇક અમસ્તું જ આંખોમા સમાઇ જાય છે,
આમ જ મૌનમાં ઘણાં ઉત્તરો સમાઇ જાય છે.
ખિલ્યાં વગર કેટલાંય ફૂલો કરમાઇ જાય છે,
આયખું આખું વેદનાના ભારથી વલોવાઇ જાય છે.
મિલનનો કોલ આપીને ઘણાં દૂર ચાલ્યાં જાય છે,
એમની યાદોથી આખું જીવન આમ જ વહી જાય છે.
રમત રમતમાં જ આપણા વચ્ચે લડાઇ જેવું થઇ જાય છે,
પછી આખી જિંદગી લડવામાં જ પૂરી થઇ જાય છે.
નિષ્ફળતાઓ માંથી જ મોટી સફળતા હાથ લાગી જાય છે,
સતત કરતા રહીએ પ્રયાસ તો મોતી હાથ આવી જાય છે.
પોતાના જ માનવાની ભૂલો ઘણાંથી થઇ જાય છે,
ને કયારેક એ જ પાર વિનાની પીડા આપી જાય છે.
જિંદગીને સમજવાની ઘણાંથી ભૂલો થઇ જાય છે,
'અમૃત' જાણીને કેટલાંયે ઝેરના પારખા કરી જાય છે.
- અમૃત આહીર
મ. શિક્ષક, કે. એન્ડ એમ.પી. પટેલ સાર્વજનિક વિદ્યાલય, અમરોલી,સુરત.
મો.નં. 9909163287
Like the Post? Share with your Friends:-
.png)
Very well written...Good .keep it up ahir sir.
ReplyDelete