વેબ સરિતા: 04/17/14
વેબ સરિતા: મારી વાંચનયાત્રા

Thursday, 17 April 2014

સ્ત્રી-પુરુષની વ્યાખ્યા શી? - ગુણવંત શાહ

Image result for women men pic

સ્ત્રી-પુરુષની વ્યાખ્યા શી?

જરાક થંભી જઈને શાંત ચિત્તે વિચારવા જેવુ છે. સામા માણસ ને છેતરવા માટે ઉચ્ચારાયેલુ પ્રત્યેક જૂઠાણુ આપણા અત્સિત્વને એક જોરદાર તમાચો મારતું જાય છે.

પુરુષની વ્યાખ્યા શી?

સ્ત્રીને સમજે એ જ ખરો પુરુષ. જે પુરુષ સ્ત્રીને ન સમજે તે ક્યાં તો નપુસંક હોય કા તો પછી નરરાક્ષસ હોય.
સ્ત્રીના ભોળપણનો ગેરલાભ લેનારો પુરુષ સાચો પુરુષ નથી. સમર્પિત સ્ત્રીને રંજાડ્વી એ પાપ છે. 
એને વહાલ કરવામા કંજૂસાઈ કરવી એ મહાપાપ છે. એના માધુર્યની મશ્કરી કરવી એ ક્રૂરતા છે.
ક્રૂરતા એ પૌરુષની નિશાની નથી. પૌરુષની ખરી નિશાની પ્રેમ ઢોળવાની આક્રમક અભિપ્સા છે.
પુરુષની હળવી આક્રમક્તા પણ સાચો પ્રેમ હોય ત્યારે શોભે છે.

સ્ત્રીની વ્યાખ્યા શી ?

પુરુષને સમજે એ ખરી સ્ત્રી. ક્યારેક પોતાના પર લટ્ટુ હોય એવા પ્રેમાળ પુરુષને સમજવામાં સ્ત્રી નિષ્ફ્ળ જતી હોય છે.
રુપગર્વિતા બનવાની સ્ત્રી ને છૂટ છે પરંતુ સો ટ્ચ ની લાગણીને ઠેસ પોહચાડનારી સ્ત્રી વેમ્પ બનીને સ્ત્રીત્વનુ અપમાન કરતી હોય છે.
પુરુષની વાણી આક્રમક હોય છે, સ્ત્રીનુ મૌન હિંસક હોય છે.

જીવન સાથી પર પૂરતો પ્રેમ ન ઢોળવો એ પણ એક પ્રકારની ચારિત્ર્યહીનતા જ ગણાય.
પોતાના પર લટ્ટુ હોય એવા પુરુષ પર આફરીન થવામા કંજૂસાઈ કરવી એ પાપ છે અને એની લાગણીને અવગણવી એ મહાપાપ છે.
સમર્પણ હોય ત્યારે જ રિસામણુ શોભે છે. રિસામણુ રાધાનુ શોભે, કૈકેયીનુ નહી.

-  ગુણવંત શાહ

Posted By: Unknown Thursday, 17 April 2014

ગર્લફ્રેન્ડ તથા બોય ફ્રેન્ડ - ગુણવંત શાહ

Image result for girl friend in  india pix


હુ ગર્લફ્રેન્ડ તથા બોય ફ્રેન્ડ ની વાત કરુ છુ ત્યારે લફરાબાજો ની વાત નથી કરતો ...

દુનિયાની સવા બે અબજ સ્ત્રીઓમાથી એક સ્ત્રી તમારી પત્ની હોય અને જીવનભર તમને વેઠ્વા તૈયાર હોય એ કલ્પના જ કેટલી રોમા્ચક છે! કેટલીક હકીકતો કોઠે પડી જાય પછી એનુ સૌદર્ય ગુમાવી દે છે.કદાચ 'પત્ની ' નામની હકીક્ત નુ પણ આવુ જ હશે! જો એ હકીકત નુ સૌદર્ય અનુભવવુ હોય તો દર વર્ષે એક મહિનો અને દર દસ વર્ષે છ મહિના એક્બીજા થી દૂર રહેવુ એવી મારી સલાહ છે. તમને ઓચિતુ લાગવુ માડશે કે તમે છેક ફેકી દેવા જેવા માણસ નથી. એક્બીજા ને પામવાની આ સાઈકોથેરાપી અપનાવવા જેવી છે.


હમણા એક અમેરિકન છાપા વાચવા મળ્યુ - "દરેક સફળ માણસ ની પાછળ એક એવુ કુટુબ હોય છે જે એને પહેલા બાથરુમ મા જવા દે " આ સત્ય સાવ ઘરેલુ લાગે તેવુ છે પણ ખાસ્સુ નક્કર છે.
લૂગડાનો જે છેડો કાચ ની ડીશ સાફ કરી નાખે તે જ છેડો ક્યારેક તમારી આખમા ઉભરાતા આસુ પણ લૂછી શકે છે !



પતિત્વ અને પ્ત્નીત્વ ને ઝટ્ઝટ વાસી બની જવાની કુટેવ હોય છે. એકબીજા પ્રત્યેનુ આકર્ષણ જીવનભર જાળવી રાખવુ એ સંસારજીવન ની બહુ મોટી ઉપલબ્ધી છે. તુવેરપાપડી ફોલવામા જ આખો દિવસ ગાળનારી પત્ની અને નોકરીની વાતો માજ રમમાણ એવો પતિ; બંને ઘડપણ તરફ જલ્દી ધકેલાય છે.


પ્રત્યેક પત્નીનો પ્રયત્ન પતિની ગર્લફ્રેન્ડ બનવાનો અને પ્રત્યેક પતિનો પ્રયત્ન પત્ની નો બોયફ્રેન્ડ બનવાનો હોવો જોઈએ. બંને વચ્ચે મૈત્રીભાવ ન કેળવાય ત્યારે કેવળ માલિકી ભાવ બચે છે. આવા માલિકીભાવમા ચોકીપહેરો , મહેણાટૉણા અને ધાક ધમકી હોય છે. જયા ધાક હોય ત્યા ધિકકાર હોવાનો જ અને જ્યા ધિક્કાર હોય ત્યા છેતરપિડી હોવાની જ. મૈત્રીભાવ જ વિશ્વાસ પ્રેરી શકે. ઘણા પતિદેવો પત્ની ને સ્ટીલ ના કબાટ્ને આપે તેટલુ મહત્વ પણ નથી આપતા અને મૈત્રી વગર તેઓ સાથે જીવ્યે રાખે છે.
-  ગુણવંત શાહ
(http://akloatma.blogspot.in/ પરથી સાભાર)

Posted By: Unknown

‘ચાલ, કાગળ વાંચીએ –ભગવતીકુમાર શર્મા

‘ચાલ, કાગળ વાંચીએ
ચાલ, સાથે બેસી કાગળ વાંચીએ,
વીત્યાં વર્ષોની પળેપળ વાંચીએ.
છે બરડ કાગળ ને ઝાંખા અક્ષરો,
કાળજીથી ખોલીને સળ વાંચીએ.
પત્ર સૌ પીળા પડયા તો શું થયું?
તાજે તાજું છાંટી ઝાકળ વાંચીએ.
કેમ તું રહી રહીને અટકી જાય છે?
મન કરી કઠ્ઠણ ને આગળ વાંચીએ.
પત્રના શબ્દો ચહેરાઈ ઝાંખા થયા,
આંખથી લુછી લઈ જળ, વાંચીએ.
લ્યો, ટકી રહી છે હજી થોડી સુવાસ,
શ્વાસમાં ઘુંટીને પીમળ વાંચીએ.
માત્ર આ પત્રો સીલકમાં રહી ગયા,
કંઈ નથી આગળ તો પાછળ વાંચીએ.

–ભગવતીકુમાર શર્મા–
–સુરત–

Posted By: Unknown

એક ડોસી ડોસાને હજી વ્હાલ કરે છે ત્રણ કાવ્યો- સુરેશ દલાલ

સ્વ. ડો. સુરેશ દલાલ અને એમનાં ત્રણ ડોસા-ડોસી કાવ્યો


કમાલ કરે છે
એક ડોસી ડોસાને હજી વ્હાલ કરે છે.
ડોસો જાગે ત્યારે ચશ્માં આપે
અને બ્રશ ઉપર પેસ્ટને લગાડે,
લોકોનું કહેવું છે કે ડોસીને આમ કરી
ડોસાને શાને બગાડે ?
મસાલા ચા અને ગરમ ગરમ નાસ્તો
ડોસી ડોસાનો કેવો ખ્યાલ કરે છે?
નિયમ પ્રમાણે દવા આપેછે રોજ
અને રાખે છે ઝીણું ઝીણું ધ્યાન,
બન્નેનો સંબંધ તો એવો રહ્યો છે
જાણે તલવાર અને મ્યાન.
દરમ્યાનમાં બન્ને જણ મૂંગાં મૂંગાં
એકમેકને એવાં તો ન્યાલ કરે એ.
કાનમાં આપે એ એવાં ઈન્જેકશન
કે સિગરેટ શરાબ હવે છોડો,
ડોસો તો પોતાના તાનમાં જીવે
કયારેક વહેલો આવે કે ક્યારેક મોડો.
બન્નેની વચ્ચે વહે આછું સંગીત
પણ બહારથી ધાંધલધમાલ કરે છે.
ડોસો વાંચે અને ડોસીને મોતિયો
બન્ને જણ વચ્ચે આવો છે પ્રેમ,
લડે છે,ઝગડે છે,હસે છે, રડે છે,
જીવન તો જળની જેમ વહેતું જાય એમ.
દોસ્ત જેવી દીકરીની હાજરીમાં બન્ને જણ
ઘરની દિવાલને ગુલાલ કરે છે.
સુરેશ દલાલ 

 ડોસાએ ડોસીને જીદ કરીકહ્યું:       
 ડોસાએ ડોસીને જીદ કરી કહ્યું:
હવે હાથમાં તું મેંદી મૂકાવ,
કોકના લગનમાં જઈએ તો લાગે
કે આપણો પણ કેવો લગાવ.
આપણને જોઈ પછી કોઈને પણ થાય
કે પરણી જઈએ તો કેવું સારું,
મંગળફેરા ફરતા જીવોને લાગે કે
જીવન હોય તો આવું સહિયારું;
ઘેરદાર ઘાઘરો ને ઘરચોળું પ્હેરીને
ઠાઠ અને ઠસ્સો જમાવ.
તારી મેંદીમાં મારું ઉપસશે નામ
અને નામમાં દેખાશે તારો ચહેરો,
હાથમાં હાથ હવે ઝાલીને મ્હાલીએ
ને ફરી લઈએ જીવતરનો ફેરો;
સોનલ કમળ અને રૂપેરી ભમરો છે
ને બિલોરી આપણું તળાવ!
-સુરેશ દલાલ
(  https://gujaratikavitaanegazal.wordpress.com પરથી સાભાર)
ડોશી કહે સવાર પડી : ડોસો કહે હાજી.
ડોસો કહે રાત પડી : ડોશી કહે હાજી.
હાજી હાજી હાજી હાજી હાજી હાજી હાજી
બન્ને કરતાં એકમેકને વારાફરતી રાજી.
બન્ને જણા વાતો કરે : કરે હોંશાતોંશી
મનથી રહ્યાં તાજાંમાજાં : શરીરની ખામોશી
ડોસો બ્હારથી થોંથા લાવે : ડોશી લાવે ભાજી.
બન્ને કરતાં એકમેકને વારાફરતી રાજી.
ડોશીના દુ:ખે છે ઘૂંટણ : ડોસો ધીમે ચાલે.
એકમેકનો હાથ પકડી નાટકમાં જઈ મ્હાલે.
સિગારેટના ધુમાડાથી ડોશી જાયે દાઝી.
બન્ને કરતાં એકમેકને વારાફરતી રાજી
બન્નેના રસ્તા જુદા : પણ બન્ને પાછા એક
એકમેક વિના ચાલે નહીં : લખ્યાં વિધિએ લેખ
વરસે તો વરસે એવાં : પણ ક્યારેક રહેતા ગાજી.
બન્ને કરતાં એકમેકને વારાફરતી રાજી.
- સુરેશ દલાલ
છેલ્લે તો આપણે બે જ હોઈશું  
ભલે ઝગડીએ,  ક્રોધ કરીએ, એકબીજા પર તુટી પડીએ,
એકબીજા પર દાદાગીરી કરવા, છેલ્લે તો આપણે  બે જ હોઈશું. 
જે કહેવું હોય એ કહી લે, જે કરવું હોય એ કરી લે,
એકબીજાનાં ચોકઠાં(ડેન્ચર–ચશ્માં) શોધવા છેલ્લે તો આપણે બે જ હોઈશું. 
હું રીસાઈશ તો તું મનાવજે, તું રીસાઈશ તો હું મનાવીશ,
એકબીજાને લાડ લડાવવા, છેલ્લે તો આપણે બે જ હોઈશું. 
આંખો જયારે ઝાંખી થશે, યાદશક્તી પણ પાંખી થશે,
ત્યારે, એકબીજાને એકબીજામાં શોધવા, છેલ્લે તો આપણે બે જ હોઈશું. 
ઘુંટણ જ્યારે દુઃખશે, કેડ પણ વળવાનું મુકશે,
ત્યારે એકબીજાના પગના નખ કાપવા, છેલ્લે તો આપણે બે જ હોઈશું. 
‘મારા રીપોર્ટસ્ તદ્દન નોર્મલ છે, આઈ એમ ઓલરાઈટ’,
એમ કહીને, એકબીજાને છેતરવા, છેલ્લે તો આપણે બે જ હોઈશું. 
સાથ જ્યારે છુટી જશે, વીદાયની ઘડી  આવી જશે,
ત્યારે, એકબીજાને માફ કરવા, છેલ્લે તો આપણે બે જ હોઈશું.
કવિ ‘અજ્ઞાત’
(http://vinodvihar75.wordpress.com/ પરથી સાભાર )

Posted By: Unknown

Contact Us

Name

Email *

Message *

 

Latest post

About Us

Recent Comment

Copyright © . WebSarita. All Rights Reserved.
Designed by :-Way2themes
Powered By: © Mr. Mukesh Merai. All Rights Reserved.